आइपीओ जारी गर्ने प्रस्तावसहित सिउरी न्यादी पावरले बोलायो साधारणसभा

काठमाडौं । सिउरी न्यादी पावर लिमिटेडले सर्वसाधारणमा आईपीओ निष्कासन गर्ने भएको छ । कम्पनीले आईपीओ निष्कासन गर्ने प्रस्ताव सहित फागुन ९ गते बार्षिक साधारण सभा बोलाएको छ । 

कम्पनीले आइपीओ निष्कासन गर्ने प्रस्तावसहित लिसारा पार्टी प्यालेस नक्साल, काठमाडौंमा ९ गते बिहान १० बजेबाट सुरु हुनेगरी सभाको बैठक आह्वान गरेको हो । सभाले आईपीओ निष्कासनका लागि आवश्यक सम्पूर्ण कामको जिम्मेवारी सञ्चालक समितिलाई दिने निर्णय गर्नेछ । 

उल्लेखित प्रस्तावसहित कम्पनीको ठेगाना परिवर्तन र गत आर्थिक वर्षको वार्षिक प्रतिवेदन सहितका वित्तीय विवरणहरू पारित गर्नुका साथै चालू आर्थिक वर्षको लागि लेखापरिक्षक नियुक्तीको विषय समेत टङ्ग्याउनेछ ।