नेप्से परिसूचकमा झिनो अंकको गिरावट

काठमाडौं ।बुधबार नेप्से परिसूचक ०.८७ अंक घटेर २०००.७७ विन्दुमा झरेको छ। त्यसैगरी, यस दिन सेन्सेटिभ इण्डेक्स ०.६३ अंक घटेको छ भने फ्लोट इण्डेक्स ०.४३ अंक र सेन्सेटिभ फ्लोट इण्डेक्स ०.५१ अंक घटेको छ। ७१ कम्पनीको शेयरमूल्य बढ्दा १७० कम्पनीका शेयरधनीले चाहिँ गुमाएका छन्‌ । ७ कम्पनीको शेयरमूल्य स्थिर छ ।

कूल ५१ लाख १५ हजार ६८५ कित्ता शेयर २ अर्ब ३ करोड ८१ लाख ९७७ रुपैयाँमा कारोबार भएको छ । विशाल बजार, बोटलर्स नेपाल बालाजु र बोटलर्स नेपाल तराई कम्पनीको शेयरमूल्यमा सर्किट लाग्दा प्रतिकित्ता क्रमशः ३६६, १ हजार ७८५.५० र १ हजार ४६७.७० रुपैयाँ बढेको छ ।

आज शेयरबजारमा साम्लिङ पावरका शेयरधनीले सर्वाधिक ६.६६ प्रतिशत गुमाएका छन्‌ । गुराँस लघुवित्त वित्तीय संस्था र मिड सोलु हाइड्रोपावरका शेयरधनीले पनि क्रमशः ५.९७ र ५.२३ प्रतिशत गुमाएका छन्‌ । नेप्से घटेपनि यस दिन कारोबार रकम भने बढेको छ। आज सोनापुर मिनरल्सको सर्वाधिक १२ करोड ६९ लाख ६५ हजार ५५४ रुपैयाँ बराबरको शेयर कारोबार भएको छ ।

१३ उपसमूहमध्ये ६ उपसमूहको परिसूचक बढेको छ भने ७ उपसमूहको परिसूचक घटेको छ। जसमध्ये यस दिन व्यापार उपसमूहको परिसूचक सर्वाधिक ५.५१ प्रतिशत घटेको छ। त्यस्तै, यस दिन उत्पादन तथा प्रशोधन उपसमूहको परिसूचक ४.९६ प्रतिशत र लगानी उपसमूहको परिसूचक १.०५ प्रतिशत बढेको छ। कारोबारमा आएको विकास बैंक उपसमूहको परिसूचक यस दिन सर्वाधिक १.११ प्रतिशत घटेको छ।