त्रिशूलीमा बस बेपत्ताः पाँच जनाको शव भेटियो, दुई जनाको पहिचान हुन बाँकी

काठमाडौं । त्रिशूली नदिमा बेपत्ता भएका दुईवटा बसका यात्रुमध्ये पाँच जनाको शव फेला परेको छ ।

गत शुक्रबार बिहान पहिरोले बगाएर दुईवटा बस त्रिशूलीमा बेपत्ता भएका थिए । फेला परेको शव मध्ये तीन जनाको शव पहिचान भएको र आन्य दुई जनाको पहिचान हुन सकेको छैन ।

प्रमुख जिल्ला अधिकारी इन्द्रदेव यादवका अनुसार माडी नगपालिका–१ का २२ वर्षीय विकास परियार, सर्लाही बरहथवा नगरपालिका–३ का १९ वर्षीय रमितकुशर माझी र भारतको बिहार सीतामणि बर्गिनिया जमुहवाका २८ वर्षीय ऋषिपल साहको शव भेटिएको हो। भेटिएका मध्ये दुईजनाको परिचय खुल्न बाँकी छ।

गौरतर्फ गइरहेको बसमा ३८ जना र काठमाडौँतर्फ गइरहेको बसमा सवार २७ जना बेपत्ता भएका थिए।

काठमाडौँबाट गौरतर्फ गइरहेको बागमती प्रदेश ०३–००१ख २४९५ नम्बरको बस र वीरगञ्जबाट काठमाडौँतर्फ गइरहेको बागमती प्रदेश०३–००६ख १५१६ नम्बरको बस भरतपुर महानगरपालिका–२९ सिमलतालमा पहिरो खस्दा शनिबार बिहान दुवै बस त्रिशूलीमा बगेका थिए।