उपसभामुखले अमेरिकी दुतावासलाई लेखेको पत्रबारे रास्वपाले थाल्यो आन्तरिक अनुसन्धान

काठमाडौं । अमेरिकी दुतावासलाई लेखेको पत्रका विषयम उपसभामुख इन्दिरा राना मगर विवादमा मुछिएपछि राष्ट्रिय स्वतन्त्र पार्टी (रास्वापा)ले आन्तरिक अनुसन्धान थालेको छ ।

रास्वपाका उपसभापति डोलप्रसाद अर्यालले उपसभामुखसँग उक्त विषयबारे सोधपुछ गरेका छन् । केहिदीन अघि उपसभामुख रानाको लेटरहेडमा आफ्नो ओहदाको दुरुपयोग गर्दै अमेरिकी दूतावासलाई लेखेको एउटा पत्र सार्वजनिक भएको थियो ।

पत्रमा उनले आफूसहित केही अञ्जान व्यक्तिहरूलाई भिसाको अन्तर्वार्ताका लागि डेट मिलाइदिन सिफारिस गरेकी छन् ।

संसद्सँग असम्बन्धित व्यक्तिहरूलाई आफ्नो टिममा राखेर सिफारिस गरिएको पाइएपछि रानामाथि प्रश्न उठेको हो । यद्यपि, ती व्यक्तिहरूले अन्तर्वार्ताको डेट पाउन सकेनन् । उपसभामुख एक्लै अमेरिका गएर फर्केकी थिइन् ।