कोरोना बीमाको बक्यौता रकम भुक्तानी गर्ने सरकारको तयारी

काठमाडौं । सरकारले कारोना बीमाको बक्यौता रकम भुत्तानी गर्ने तयारी गरेको छ । बीमा प्राधिकरणले २०१९ मा कोरोना महामारी फैलिएपछि यसको प्रभावलाई नहेरी बिमा गरेको थियो ।

उपप्रधान तथा अर्थमनत्री विष्णु पौडेलले कोरोना बिमाको रकम भुत्तानी गर्न लागिएको बताएका छन् । नयाँ सरकार गठन हुने वित्तिकै यस्तो प्रकृया सुरु भएको पौडेलले पुष्टि गरेका छन् ।

अर्थ मन्त्रालयको तथ्यांकअनुसार १ लाख २९ हजार ४६४ जनाको बीमा दाबी भुक्तानी गर्न बाँकी छ ।

ती व्यक्तिको ११ अर्ब ३२ करोड रुपैयाँ दाबी भुक्तानी बाँकी रहेको अर्थमन्त्री पौडेलको भनाई छ ।