July 24, 2024
काठमाडौं । प्रधानमन्त्री केपी शर्मा ओलीले सौर्य एयरको विमान दुर्घटनाबारे ब्रिफिङ लिएका छन् ।
विमान दुर्घटनास्थलको निरीक्षणपछि प्रधानमन्त्री ओलीले नागरिक उड्डयन प्राधिकरणसँग दुर्घटनाको सम्भावित कारणबारे ब्रिफिङ लिएका हुन् ।
त्यसअघि त्रिभुवन अन्तराष्ट्रिय विमानस्थलमा पुगेर दुर्घटनास्थलको निरीक्षण गरेका थिए । त्यसपछि आजै साँझ ५ बजेका लागि आकस्मिक मन्त्रिपरिषद् बैठक बोलाइएको छ ।
मन्त्रिपरिषद् बैठकमा विमान दुर्घटनाको अनुसन्धान अघि बढाउने विषयमा छलफल हुने बताइएको छ ।
आज बिहान ११ः११ बजे सौर्य एयरको जहाज दुर्घटना हुँदा १८ जनाको मृत्यु भएको छ ।
प्रकाशित मिति:July 24, 2024
