सौर्य एयरको विमान दुर्घटनाः क्याप्टेनको स्वास्थ्य अवस्था सामान्य

काठमाडौं । बुधबार सौर्य एयरको विमान दुर्घटनामा घाइते पाइलट (क्याप्टेन) मनिषरत्न शाक्यको अवस्था सामान्य रहेको छ ।

काठमाडौं मेडिकल कलेज (केएमसी) ले विज्ञप्ति जारी गर्दै उनको अवस्था सामान्य रहेको र अन्य कुनै जटिलता नरहेको जनाएको हो ।

साथै उनको अनुहार, नाक, आखा तथा टाउकोमा चोटहरु, हड्डी साथै देब्रेपट्टीको ३ वटा करङहरु भाचिएको अस्पतालले जनाएको छ । अस्पतालका अनुसार अनुहार तथा नाक र आँखाका चोटहरुको बुधबार नै उपचार भइसकेको छ ।
‘उहाँको अनुहार, आखा, नाक तथा टाउकोमा चोटहरु, ढाडको एउटा हड्डी साथै देब्रे पट्टीको ३ वटा करङहरु भाँचिएका छन्,’ अस्पतालले भनेको छ, ‘अनुहार तथा नाक आखाका चोटहरुको हिजै उपचार भइसकेको जानकारी गराउँदछौँ ।’