कीर्तिपुर नगरपालिकाका मेयर राजकुमार नकर्मीको निधन

काठमाडौं । कीर्तिपुर नगरपालिकाका मेयर राजकुमार नकर्मीको निधन भएको छ । लामो समयदेखि मृगौला रोगबाट ग्रसित उनको उपचारकै क्रममा बिहीबार राति १०ः४० बजे निधन भएको हो ।

उनले लामो समयदेखि डायलासिस गराउँदै आएकोमा पछिल्लो १ महिनायता समस्या थप बल्झिएको थियो । अहिले उनको पार्थिव शरीर श्रद्धाञ्जलिका कीर्तिपुर नगरपालिका परिसरमा राखिएको छ । नकर्मी गत स्थानीय चुनावमा कांग्रेसबाट मेयरमा निर्वाचित भएका थिए ।

२०५४ सालमा नगरपालिका बनेको कीर्तिपुरमा पहिलो पटक कांग्रेसका नकर्मी मेयरमा निर्वाचित भएका थिए । वामपन्थीहरूको लालकिल्लाका रूपमा रहेको कीर्तिपुर नगरपालिकामा गत स्थानीय निर्वाचनमा पहिलो पटक एमाले ‘क्लिन स्विप’ भएको थियो ।