July 27, 2024
काठमाडौं । बुधबार भएको सौर्य एयरको विमान दुर्घटना मृत्यु भएकाहरुको शव आफन्तले बुझेका छन् ।
शुक्रबार मृतक १८ मध्ये ५ जनाको शव त्रिवि शिक्षण अस्पतालमा पोस्टमार्टमपछि आफन्तले बुझेका हुन् ।
जसमा को–पाइलट सुशान्त कटवाल, उद्धव पुरी, अश्मिन निरौला, श्याम विन्दुकर, राजाराम आचार्यको शव आफन्तलाई बुझाइएको हो । त्यस्तै अन्य दुई शव भोलि बुझ्नेगरी प्रक्रिया थालिएको छ ।
तर केही मृतकका आफन्त तथा परिवारले भने क्षतिपूर्तिको सुनिश्चितता नभएसम्म शव नबुझ्ने अडान राख्दै आइरहेका छन् ।
बुधबार त्रिभुवन अन्तराट्रिय विमानस्थलबाट पोखराका लागि उडेको विमान उडानको केही बेरमै दुर्घटनामा परेको थियो । त्यसमा सवार १९ मध्ये १८ जनाको मृत्यु भएको थियो । विमानका पाइलट मनिषरत्न शाक्यको भने उपचार भइरहेको छ । अहिले उनको स्वास्थ्य सुधारोन्मुख रहेको सिनामंगलस्थित केएमसी अस्पतालले जनाएको छ ।
प्रकाशित मिति:July 27, 2024
September 7, 2024