सर्वोच्चको पूर्ण इजलासमा भारतसँगको विद्युत सम्भौंताविरुद्धको रिटको आज सुनुवाई हुँदै

काठमाडौं । भारतसँगको विद्युत व्यापार सम्झौताविरुद्ध दायर रिटमाथि सर्वोच्च अदालतको पूर्ण इजलासमा आज सुनुवाई हुने भएको छ ।

२०८० माघ १५ गते दायर गरेको रिट सुनुवाइका लागि न्यायाधीशहरू प्रकाशमान सिंह राउत, सपना प्रधान मल्ल र महेश शर्मा पौडेलको पूर्ण इजलासमा पेसी तोकिएको हो ।

पूर्व सचिव सूर्यनाथ उपाध्यायले रिट दायर गरेका थिए ।

रिट निवेदनमा २०८० पुस १९ गते नेपाल र भारतबिच भएको दीर्घकालीन विद्युत् व्यापार सम्झौता संविधानको प्रतिकूल तथा देशको हितविपरीत रहेको जिकिर गरिएको छ ।