सिन्धुलीमा बोलेरो दुर्घटना, २ जनाको ज्यान गयो

काठमाडौं । बिपी राजमार्ग अन्तरगत सिन्धुलीको कमलामाई नगरपालिका २ चियावारीमा बोलेरो दुर्घटना हुँदा २ जनाको मृत्यु भएको छ ।

दुर्घटनामा अन्य ५ जना घाईते भएका छन्। गोलन्जोर गाउँपालिकाबाट तरकारीसहित यात्रु लिएर आएको बा २० च ८२८३ नम्बरको बोलेरो जिप आज बिहान दुर्घटनामा परेको प्रहरीले जनाएको छ।

घाइतेहरूलाई उद्धार गरी उपचारको लागि सिन्धुली अस्पताल लगिएको छ। घटनाको थप विवरण आउन बाँकी छ।