August 16, 2024
काठमाडौं । काठमाडौंबाट भक्तपुरतर्फ जाँदै गरेको बा४९प ८९४४ नम्बरको स्कुटरलाई ना६ ख २१७३ नम्बरको भाडाको ट्रकले पछाडिबाट ठक्कर दिँदा चालकको मृत्यु भएको घटनाको सीसीटीभी फुटेज सार्वजनिक भएको छ ।
सो घटनामा ओखलढुंगाको चिसंखुगढी गाउँपालिका–४ घर भएका ६५ वर्षीय उत्तम कोइरालाको मृत्यु भएको थियो । यो घटनालाई ट्राफिक चेकिङसँग जोडिएको थियो । ट्राफिक चेकिङका क्रममा दुर्घटना भएको भन्दै ट्राफिक प्रहरीको चर्को आलोचनासमेत भएको थियो । आक्रोशित भीड ट्राफिक प्रहरी अगाडि पुगेपछि उनीहरुको भागाभागसमेत भएको थियो ।
फुटेजको दृश्य अनुसार ठक्कर दिएपछि चालकलाई ट्रकले लछारेको देखिन्छ । भाडा ट्रकले बायाँतर्फ गुडिरहेको स्कुटरलाई ठक्कर दिएको देखिएको । ट्राफिक प्रहरीको चेकजाँच कटेपछि दुर्घटना भएको फुटेजमा देखिन्छ ।
ट्रक चालकले बायाँतर्फ गुडिरहेको स्कुटर देख्न नसक्दा दुर्घटना भएको ट्राफिक प्रहरीका अधिकृतहरु बताउँछन् ।
प्रकाशित मिति:August 16, 2024
