धर्मगुरु विजय कृष्णमूर्तिजी महाराजलाई किन पक्राउ गर्न पशुपति गयो प्रहरी ?

काठमाडौं । शुक्रबार राति एकाएक पशुपति कोटिहोममा तनाव सृजना भयो । प्रहरीले एक महिना सम्म कोटिहोमको आयोजना गरेर बसेका विजय भण्डारी उर्फ विजयकृष्णमूर्तिजी महाराजलाई प्रहरीले पक्राउ गर्न खोजेको भन्दै पशुपति क्षेत्रमा तनाव भएको हो ।

उनले सामाजिक सञ्जालमा लाइभ गरेर आफुलाई प्रहरीले पक्राउ गर्न आएको बताएका छन् । सञ्जालमा लाइभ आएर उनले भनेका छन् – ‘प्रहरी मलाई समात्न आएको छ । प्रहरी आए भौतिक कारवाही गर्र्छौ । बंगलादेशको जस्तो अवस्था आउन सक्छ ।’

प्रहरीले भने महारजलाई सोधपुछ गर्न मात्र आएको बताएका छन् । प्रहरीको नक्कली चारित्रिक प्रमाण पत्र बनाएको आरोपमा उनीमाथि छानबीन चलिरहेको प्रहरीले जनाएको । सोही आरोपमा पक्राउ गर्न प्रहरी त्यहाँ पुगेपनि उनले भने आफूले हिन्दुराष्ट्रको माग गरेकाले पक्राउ गर्न खोजिएको आरोप लगाएका छन् ।