सामाजिक सञ्जाल टिकटक माथिको प्रतिबन्ध हटाउदै सरकार

काठमाडौं । १० महिना अघि प्रतिबन्ध लगाएको टिकटक हटाउने तयारी भइरहेको बुझिएको छ । आज बस्ने मन्त्रीपरिषद् बैठकले प्रतिबन्ध खुलाउने तयारी भइरहेको बुझिएको छ ।

सञ्चार तथा सूचना प्रविधि मन्त्रालयले टिकटकमाथिको प्रतिबन्ध हटाउने निर्णय गर्दै मन्त्रीपरिषद्मा पठाएको र आज बस्ने मन्त्रिपरिषद् बैठकले पारित गर्ने स्रोतले बताएको छ ।

आज बस्ने मन्त्रिपरिषद्ले निर्णय गरेसँगै देशभर प्रतिबन्धित भएको टिकटक सहजै चलाउन पाइने छ ।

गत वर्षको असोज २७ गते नेपाली समाजको सामाजिक सद्भाव बिगारेको भन्दै पुष्पकमल दाहाल ‘प्रचण्ड’ नेतृत्वको सरकारले टिकटकमाथि प्रतिबन्ध लगाउने निर्णय गरेको थियो ।