सुनकोशी नदीमा निजी जिप खस्यो, तीन जना वेपत्ता

काठमाडौं । सिन्धुलीको गोलन्जोर गाउँपालिका–१ बेलटारस्थित सडकबाट एक निजी कार सुनकोशी नदीमा खसेको छ ।

कारमा सवारमध्ये एकजना घाइतेलाई उद्धार गरी उपचारका लागि खुर्कोटस्थित अस्पताल पठाइएको छ ।

नदीमा खसेको कार र बाँकी यात्रुको खोजी कार्य जारी रहेको प्रहरीले जनाएको छ । खोटाङको हलेसीबाट काठमाडौंतर्फ आइरहेको सो कार आज करिब साँझ ५ः३० बजे नदीमा खसेको थियो ।

दुर्घटना भएको खबर प्राप्त भए पश्चात सशस्त्र प्रहरी बल नेपाल बिपद व्यवस्थापन वेश खुर्कोटबाट सप्रनिको कमाण्डमा गोताखोर सहित १० जनाको टोली खटिएको छ । उक्त गाडीमा ४ जना सवार मध्ये १ जना रोडमा हामफाल्दा सामान्य घाईते भएका छ्न् । अहिले गोताखोरले खोजी सुरु गरेको छ ।