मोबाइल चार्जमा हालेर चलाउँदा बालकको करेन्ट लागेर मृत्यु

पाँचथर । मोवाइल चार्जमा हालेर चलाउदा पाँचथरमा नुवाकोटमा एक बालकको करेन्ट लागेर मृत्यु भएको छ । पाँचथरको फिदिम नगरपालिका–२ पल्लोटारमा डेरामा गरी बस्ने नुवाकोट तादी गाउँपालिका–६ स्थायी घर भएका बद्री कुमार पाण्डेका छोरा अन्दाजी बर्ष १५ का युवराज पाण्डेको ज्यान गएको जिल्ला प्रहरी कार्यालय पाँचथरले जनाएको छ ।

पल्लोटारको जोरपिपल स्थित रंगलाल शिवाको घरमा कोठा भाडा लिई बस्दै आएका पाण्डेले मल्टीप्लगमा मोबाईल चार्जमा हालेर चलाउदै गरेको अवस्थामा करेन्ट लागि मृत अवस्थामा फेला परेको प्रहरीले पुष्टि गरेको हो । का

जिल्ला प्रहरी कार्यालय पाँचथरका अनुसार शनिवार वेलुकी साझ करिव ६ः३० को समयमा सो घटना भएको हो ।

शवको सम्पूर्ण कानूनी प्रकृया पुरा गरी पोष्टमार्टमका लागि जिल्ला अस्पताल पाँचथरको शव गृहमा राखिएको प्रहरीले जनाएको छ ।

घटनाको बारेमा थप अनुसन्धान भइरहेको प्रहरीले जनाएको छ ।