काठमाडौंमा पुरुषको हत्या

काठमाडौं । काठमाडौंको शंखमूलस्थित बुद्धनगरमा एक पुरुषको हत्या भएको छ । शंखमुलमा रहेको टाइमपास स्नुकर हाउसका सञ्चालक ४० वर्षीय रूपक वान्तवाको हत्या भएको प्रहरीले जनाएको छ ।

वान्तवालाई राति करिब २ बजे स्नुकरभित्र सुतिरहेको अवस्थामा कुटपिट भएको थियो । उनलाई उपचारका लागि सिभिल अस्पताल लगिएपनि ज्यान जोगाउन सकिएन ।

घटनामा संलग्न केहीलाई पक्राउ गरिएको प्रहरीले जनाएको छ ।