हैटौंडाको एक होटलमा युवती मृत फेला

काठमाडौं । हेटौडाको एक होटलमा युवती मृत फेला परेकी छिन् । हेटौंडा उपमहानगरपालिका १० स्थित बसपार्कमा रहेको रत्ना होटलमा युवती मृत फेला परेकी हुन् ।

होटलमा हेटौंडा– ११ थानाभर्‍याङकी २२ वर्षीय एलिशा न्यौपाने मृत भेटिएको प्रहरीले जनाएको छ ।

शनिबार बेलुका ७ बजे पहिचान नखुलेका पुरुषसँग होटल प्रवेश गरेकी युवती आइतबार दिउँसोसम्म ननिस्किएपछि होटल सञ्चालकले प्रहरीलाई खबर गरेको थियो ।

प्रहरीले घटनास्थल पुगेर हेर्दा सिरकले मुख छोपेको अवस्थामा युवतीलाई मृत फेला पारेको थियो । खाटको वरपर रगतको टाटा देखिएको प्रहरीको भनाइ छ । ती महिलासँग आएको पुरुष भने शनिबार राति ९ बजे नै होटलबाट निस्किएको र फरार भएको प्रहरीको भनाइ छ ।

फरार पुरुषको खोजि भइरहेको प्रहरीले जनाएको छ ।