सहकारी ठगी प्रकरणः छानबिन समितिको १५ दिन म्याद थप

काठमाडौं । सरकारी ठगी प्रकरणको छानबिनका लागि बनेको विशेष समितिको १५ दिनका लागि म्याद थप गरिएको छ ।

आज बसेको प्रतिनिधिसभा बैठक मार्फत १५ दिन म्याद थप गर्ने प्रस्ताव सर्वसम्मतीले पारित गरिएको हो ।

समितिका सभापति सूर्यबहादुर थापाले छानबिनका लागि समय अपुग भएको भन्दै समय थप गर्न प्रस्ताव प्रस्तुत गरेका थिए ।

सहकारी ठगी प्रकरणमा छानबिनका लागि तत्कालीन प्रमुख प्रतिपक्षी दल नेपाली कांग्रेसले निरन्तर आवाज उठाएपछि ७ सदस्यीय छानबिन समिति गठन गरिएको थियो ।

जेठ १५ गते गठन गरिएको उक्त समितिको कार्याअवधि आगामी भदौ २२ गते सकिँदैछ ।