प्रहरी नै प्रहरीको फन्दामा

काठमाडौं । प्रहरीले एक जना सहायक हवलदारलाई पक्राउ गरेको छ । जिल्ला प्रहरी परिसर, काठमाडौँले आफ्नो मुद्दा शाखामा कार्यरत सहायक हबल्दारलाई नियन्त्रणमा लिएको हो ।

काठमाडौं प्रहरी परिसरका अनुसार सहायक हबल्दार गणेश खड्कालाई नियन्त्रणमा लिएर आन्तरिक छानबिन भइरहेको हो ।

प्रहरीका अनुसार, मुद्दा मिलाइदिन्छु भनेर ठगी गरेको भन्दै केही व्यक्तिविरुद्ध जाहेरी परेको थियो । ती व्यक्तिहरूसँग खड्काको सम्बन्ध भएको आशंकामा नियन्त्रणमा लिएर छानबिन थालिएको जनाइएको छ ।