September 9, 2024
काठमाडौं । पाँचथरको फालेलुङका भएको बम विस्फोटको विषयमा नेकपा (एमाले)ले गृहमन्त्रीको जवाफ मागेको छ ।
सोमबार प्रतिनिधिसभाको बैठकमा बोल्दै एमालेका प्रमुख सचेतक महेश बर्तौलाले यस्तो गम्भीर घटनामा यतिका दिन भइसक्दा समेत घटनामा जोडिएका दोषी पत्ता नलगाएको भन्दै सो बारेमा सरकारले सदनमा आएर जवाफ दिन माग गरेका हुन् ।
फालेलुङ्ग गाउँपालिका–५ डाडाँगाउँ, प्राङबुङ्गमा भएको बम विस्फोटबाट एकै परिवारका दाजुबहिनी ११ र अढाई वर्षीया बालबालिकाको ज्यान गएको थियो । सात र ११ वर्षीय बालकद्वय अहिले उपचार रत छन् । घाइतेको कीर्तिपुरस्थित वर्न(जलन)अस्पतालमा उपचार भइरहेको छ ।
बर्तौताले भने, ‘सरकारले यस्तो घटनामा गम्भीतारकासाथ अनुसन्धान गर्नुपर्ने देखिन्छ । सामान्यता यतिका दिन भइसक्दा समेत यो घटनामा जोडिएका दोषी को हो ? यो बारेमा सरकारले सदनमा आएर बताउनुपर्छ । यस्तो गम्भीर प्रकृतिको घटनामा गृहमन्त्रीज्यूले संसदमा आएर जानकारी गराउनु बढी उपयुक्त हुन्छ । म यो माग गर्न चाहन्छु ।’
उनले सशस्त्र द्वन्द्वको समयमा छाडिएको बम विस्फोट भएको कुरा बाहिर आइरहेको पनि बताए ।
प्रकाशित मिति:September 9, 2024
November 24, 2024
