September 9, 2024
काठमाडौं । डिजिटल माध्यमबाट क्युआर कोड, मोबाइल बैंकिङ र क्रेडिट, डेबिट कार्डबाट भुक्तानी गर्ने ग्राहकहरुलाई सरकारले १० प्रतिशत भ्याट फिर्ता दिने भएको छ ।
आन्तरिक राजश्व विभागले भदौ २१ गते निर्णय गर्दै १० प्रतिशत लाग्ने भ्याट फिर्ता दिन परिपत्र गरेको छ ।
भ्याट फिर्ताको निर्णय कार्यान्वयनका लागि विभागले सबै आन्तरिक राजश्व राजश्व कार्यालयहरुलाई निर्देशन समेत दिएको छ । बिक्रेताहरुले तत्कालै भ्याट फिर्ताको व्यवस्था कार्यान्वयन गर्न पनि विभागले भनेको छ ।
अब क्युआर, मोबाइल बैंकिङ वा डेबिट, क्रेडिट कार्डबाट एक हजार रुपैयाँको बस्तु तथा सेवा खरिद गरेको भुक्तानी दिँदा एक हजार रुपैयाँको १३ प्रतिशतले हुने एक सय ३० रुपैयाँको १० प्रतिशत अर्थात १३ रुपैयाँ भ्याट फिर्ता पाउनेछन् ।
प्रकाशित मिति:September 9, 2024
September 22, 2024
