सुरु भयो दशैंका लागि अग्रीम हवाई टिकट बुकिङ

काठमाडौं । दशैंमा घर जानेहरुका लागि हवाई यात्रामा यात्रा गर्ने यात्रुहरुले हवाई टिकट बुकिङ गर्न थालेका छन् ।

दशैं आउन अझै एक महिना बाँकी हुँदै यात्रुहरुले टिकट बुकिङ सुरु गरेका हुन् ।

अधिकांश टिकट अनलाइनबाटै बुकिङ हुने कारणले गर्दा एयरलाइन्स कम्पनीहरूले दसैँका लागि अग्रिम बुकिङ खुलाउँदैनन् । तर पछि अभाव हुने डरले यात्रुहरूले अहिले नै बुकिङ थालिसकेका छन् । अहिले काठमाडौँबाट सबै गन्तव्यको लागि दसैँ अघिका टिकट बुकिङ भइरहेको बुझिएको छ ।

सामान्य दिनमा पनि काठमाडौँबाट पोखरा, नेपालगञ्ज, भैरहवा, धनगढी, विराटनगर लगायतका गन्तव्यमा दर्जनौँ उडान भइरहेका छन् । दसैँको बेला यी गन्तव्यमा यात्रुको चाप झन् बढ्छ ।