उपसभामुखमा रास्वपाले धोका दिएपछि ज्ञानेन्द्र शाही 

काठमाडौं । राष्ट्रिय प्रजातन्त्र पार्टी (राप्रपा) का संसदीय दलका नेता ज्ञानेन्द्र शाही राष्ट्रिय स्वतन्त्र पार्टी (रास्वपा) सँग रुष्ट भएका छन् ।

प्रतिनिधि सभाको शुक्रबारको बैठकलाई सम्बोधन गर्दै उनले संसदीय गणितमा रहेको अंक मात्रै सत्ता टिकाइराख्ने साधन बन्ने गरेको टिप्पणी गरे। उनका अनुसार वास्तविक प्रभाव भनेको जिम्मेवारी निर्वाह गर्ने क्षमतामा निर्भर हुने विषय हो।

शाहीले राप्रपा वर्तमान संवैधानिक संरचनाभित्र रहेर सहकार्य गर्दै अघि बढिरहेको उल्लेख गरे। साथै, पार्टीले विद्यमान व्यवस्था भित्रै विकल्पका दृष्टिकोण प्रस्तुत गर्दै आएको उनको भनाइ छ। उनले राप्रपाले पृथ्वीनारायण शाहको दिव्य उपदेशमा आधारित सम्वर्द्धनवादी विचारधारालाई आत्मसात् गरेको समेत स्पष्ट पारे।