आगलागीबाट विभिन्न धनमाल जलेर नष्ट

रौतहट, गौर नगरपालिका—९ सिरसिया बस्ने वीरेन्द्र पासवानको घरमा बिद्युत सर्ट भई मंगलबार दिउँसो आगलागी हुँदा घर पूर्ण रूपमा जलेर करिब २ लाख ‍रुपैयाँ बराबरको धनमाल नष्ट भएको छ ।
कपिलवस्तु, यशोधरा गाउँपालिका—५ नन्वा बस्ने आशिया खातुनको घरमा खाना पकाउने क्रममा मंगलबार दिउँसो आगलागी हुँदा घर पूर्ण रूपमा जलेर करिब २ लाख ५० हजार रुपैयाँ बराबरको धनमाल नष्ट भएको छ ।
सिरहा, लहान नगरपालिका३ बस्ने राम नारायण महतोको सोनी ट्रेडर्स एण्ड सप्लायर्स नामक कवाडी पसलमा मंगलबार साँझ आगलागी हुँदा पसल पूर्ण रूपमा जलेर करिब २५ लाख रुपैयाँ बराबरको धनमाल नष्ट भएको छ ।
दमकल र स्थानीयबासीको सहयोगमा आगलागी नियन्त्रणमा लिनुका साथै यस सम्बन्धमा स्थानीय प्रहरीले थप अनुसन्धान गरिरहेको छ ।