आगलागीबाट विभिन्न धनमाल जलेर नष्ट

काठमाडौं, नागार्जुन नगरपालिका–१ रानीवन प्रकृति चोक डेरा गरी बस्ने तारा कटवालको कोठामा बिद्युत सर्ट भई शनिबार दिउँसो आगलागी हुँदा विभिन्न सामान जलेर करिब ४ लाख ५० हजार रुपैयाँ बराबरको धनमाल नष्ट भएको छ ।
कपिलवस्तु, शिवराज नगरपालिका–५ बस्ने श्याम सुबेदीको च्याउ फर्ममा शनिबार दिउँसो आगलागी हुँदा ३ वटा फुसको टनेल, १ हजार २ सय प्याकेट च्याउ, पानी छर्किने फोगर सिस्टम समेत जलेर करिब ३२ लाख रुपैयाँ बराबरको धनमाल नष्ट भएको छ ।
कञ्चनपुर, महाकाली नगरपालिका–१ हल्दुघाटस्थित महाकाली आदर्श मावि दोधारा चाँदनिको स्टोरमा शनिबार दिउँसो आगलागी हुँदा स्टोरमा रहेका विभिन्न फर्निचर जलेर करिब ५ लाख रुपैयाँ बराबरको धनमाल नष्ट भएको छ ।
मोरङ, बुढिगंगा गाउँपालिका–३ स्थित पाईनियर केबुल फ्याक्ट्री टिनको छानोमा विद्युत वाईरिङ सर्ट भई शनिबार राति आगलागी हुँदा टिनको छानो पूर्णरुपमा जलेर करिब ३० लाख रुपैयाँ बराबरको धनमाल नष्ट भएको छ ।
दमकल र स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा स्थानीय प्रहरीले आवश्यक अनुसन्धान गरिरहेको छ ।