भिन्न भिन्न स्थानमा ४ जना मृत अवस्थामा फेला

बझाङ तलकोट गाउँपालिका–१ स्थित डेरा गरी बस्ने ७० वर्षीय गोपाल दमाइको कोठामा जयपृथ्वी नगरपालिका–१० बस्ने ४२ वर्षीया पुनी बादी आइतबार मृत अवस्थामा फेला परेकी छिन् ।
कञ्चनपुर, भिमदत्त नगरपालिका–४ बसपार्कस्थित कोशी एण्ड मोरङ होटलको १०५ नम्बर कोठामा धादिङ ज्वालामुखी गाउँपालिका–३ बस्ने ६७ वर्षीय नरे सार्की आइतबार मृत अवस्थामा फेला परेका छन् ।
रुपन्देही, सैनामैना नगरपालिका–११ स्थित शान्ति सामुदायिक वनमा हाल नाम, थर, वतन नखुलेकी करिब २६ वर्षीया महिला शनिबार मृत अवस्थामा फेला परेकी छिन् ।
नवलपरासी (पश्चिम), सुस्ता गाउँपालिका–२ हरकपुरास्थित बढई नालीमा सोही गाउँपालिका–३ रेवा मच्छुटोल बस्ने ३२ वर्षीय रमेश शर्मा आइतबार मृत अवस्थामा फेला परेका छन् । यूपि ५६ एच ६६५३ नम्बरको मोटरसाइकलबाट लडेर उनको मृत्यु भएको बुझिएको छ । मोटरसाइकल सोही ठाउँस्थित सडक छेउमा पल्टिएको अवस्थामा फेला परेको छ ।
यस सम्बन्धमा स्थानीय प्रहरीले थप अनुसन्धान गरिरहेको छ ।