एमसीसीको विरोधमा उत्रिएका २० जना कोटेश्वरबाट पक्राउ

काठमाडौँ । एमसीसीको विरोधमा उत्रिएका बहिर्गमित जनमुक्ति सेनाका अध्यक्ष रमेश कसेल करण र उपाध्यक्ष राजन थापा सुवास सहित २० जना लाई प्रहरीले आज नियन्त्रणमा लिएको छ ।

काठमाडौंको कोटेश्वरबाट आफूहरूलाई प्रहरीले नियन्त्रणमा लिएको बहिर्गमित जनमुक्ति सेनाका उपाध्यक्ष तथा प्रवक्ता राजन थापा सुवासले बताए ।

नेकपा (एमाले)का अध्यक्ष केपी शर्मा ओलीलाई भेट्न अमेरिकी सहयोग नियोग मिलेनियम च्यालेन्ज कर्पोरेसन (एमसीसी) उपाध्यक्ष फातिमा सुमार र नायब उपाध्यक्ष जोनाथन ब्रुक्ससहितको टोली बालकोट जाँदै गर्दा कालो झण्डा देखाउने क्रममा २० जना लाई प्रहरीले नियन्त्रणमा लिएको थियो ।

उनिहरूलाई पक्राउ गरेपछि कोटेश्वरमा राखिए पछि प्रहरीले नगर पछि नगर प्रहरी कार्यालय पठाएको छ ।