September 30, 2021
प्रा गोपालप्रसाद सिग्देल राजपत्रांकित विशिष्ट श्रेणीमा बढुवा
काठमाडौँ । सरकारले सहसचिव प्रा गोपालप्रसाद सिग्देललाई राजपत्रांकित विशिष्ट श्रेणीमा बढुवा गर्ने निर्णय गरेको छ।
प्रधानमन्त्री निवास बालुवाटारमा बिहीबार बसेको मन्त्रिपरिषद्को बैठकले सहसचिव प्रा गोपालप्रसाद सिग्देललाई राजपत्रांकित विशिष्ट श्रेणीमा बढुवा गर्ने निर्णय गरेको हो।
मन्त्रिपरिषद्को बैठकपछि कानुन न्याय तथा संसदीय मामिलामन्त्री ज्ञानेन्द्रबहादुर कार्कीले मन्त्रिपरिषद्को बैठकले जेनेभामा आयोजना हुने डब्ल्यूटिओको १२ औँ मन्त्रीस्तरीय सम्मेलनमा उद्योग वाणिज्य तथा आपूर्ति मन्त्रालयलाई भाग लिन स्वीकृत दिने निर्णयसमेत गरेको बताए।
उनले सरकारले इन्टरपोलको ८९औँ महासभामा भाग लिन स्वीकृत दिने निर्णय गरेको जानकारी दिए।
कानुनमन्त्री कार्कीले भने, ‘आजको मन्त्रिपरिषद्ले जेनेभामा आयोजना हुने डब्ल्युटीओको १२ औँ मन्त्रीस्तरीय सम्मेलनमा भाग लिन स्वीकृत दिने, उद्योग वाणिज्य तथा आपूर्ति मन्त्रालयलाई, इन्टरपोलको ८९ औँ महासभामा भाग लिन स्वीकृत दिने, सहसचिव प्रा गोपालप्रसाद सिग्देललाई राजपत्रांकित विशिष्ट श्रेणीमा बढुवा गर्ने, विभिन्न मन्त्रालयअन्तर्गतका विकास आयोजनाका लागि अस्थायी दरबन्दी स्वीकृत गर्ने निर्णय गरेको छ।’
सरकारले विभिन्न मन्त्रालयअन्तर्गतका विकास आयोजनाहरुका लागि अस्थायी दरबन्दी स्वीकृत गर्ने निर्णयसमेत गरेको छ।
प्रा गोपालप्रसाद सिग्देल राजपत्रांकित विशिष्ट श्रेणीमा बढुवा
प्रकाशित मिति:September 30, 2021
November 22, 2024
