कर्णालीका समस्या बुझ्दै सिमिकोट्का पीडित जनतामाझ सभापति खड्का

हुम्ला-व्यबस्थापिका संसद बिकास तथा प्रबिधि समितिका सभापति कल्याणीकुमारी खडकाको नेतृत्वमा कर्णाली पुगेको संसदहरुको टोलिले कर्णालीका बहुक्षेत्रकाे स्थलगत निरीक्षण गरेको छ।

व्यबस्थापिका संसद बिकास तथा प्रबिधि समितिका सभापति कल्याणीकुमारी खडकाको नेतृत्वमा कर्णाली पुगेको संसदहरुको टोलिले कर्णाली कोरिडोर सडक आयोजनाले गरेका कामहरू तथा बाढीले पुर्याएको क्षतिको अवस्था बारे स्थलगत निरीक्षण गरेको हाे ।

निरीक्षण लगत्तै सभापति खडकाले राजनीतिक दलका जिल्ला नेता सडक निर्माणकार्यमा लागेका सरोकारवालाहरु प्रमुख जिल्ला अधिकारी सबैलाई सम्बोधन गर्नुभएकाे छ ।

सम्बोधनमा सभापति खडकाले बिगतको तुलनामा कामहरू अगाडि बडेको भएपनि सोचे जस्तो संतोषजनक नरहेको बताउनुभयाे ।

उहाँले समितिको तर्फबाट सरकारलाई कर्णालीवासीका समस्या सम्बोधन गर्न र कार्यान्वयन गर्न आफू लागिपर्ने बताउनुभयो ।

विकाश समितिका माननीय सांसदहरुको टोलि हुम्लाको सिमिकोट पुगि त्यहाँ जम्मा भएका जिल्लाका सबै राजनीतिक दलका नेताहरू मार्फत समस्याहरु बुझ्ने काम समितिले गरेको छ।

समितिले सेनाको सहयोगमा अगाडि बढाएको हिल्सा देखी बादरखेला सम्मको निर्माणाधीन सडकको अवलोकन सहित बाढीबाट पुगेका क्षतिग्रस्त सडक तत्कालै निर्माण गर्न टोलि सगै रहेका सडक बिभागका उपमहानिर्देशक शिव नेपाललाई निर्देशन समेत दिएको थियो ।

अपार सम्भावना बोकेको कर्णाली प्रदेशको भाग्य जोडिएको कर्णाली कोरिडोर चाडो सम्पन्न गर्न कर्णालीका समग्र समस्या सम्बोधन गर्न टोलीले सरोकारवालाहरुलाइ निर्देशन दिएको थियो।

सिमिकोटमा आयोजना गरिएको कार्यक्रममा हिल्सा सिमिकोट सडक खण्डका प्रमुख बिस्नुदास लामा सडक बिभागका उपमहानिर्देशक नेपाल हुम्ला कि सांसद रंगमति शाहीले बोल्नुभएको थियो भने जिल्लामा भोग्नुपरेको समस्याकाबारेमा एमाले जिल्ला अध्यक्ष दल रावलले सभापति खडका समक्ष राजनैनिकदलले सयुक्तरुपमा तयार गरेको ज्ञापनपत्र बुझाउनुभएको थियो।