नेप्से सूचक ५५.५० अंकले बढ्यो

नेपाल स्टक एक्सचेञ्ज सूचक (नेप्से) साताको पहिलो दिन (आइतबार) ५५.५० अंकले बढेको छ ।

गत सातादेखिको बढ्दो क्रम नेप्सेमा आज पनि कायम रहेको हो ।

आज नेप्सेमा कूल ७ अर्ब २ करोड ३२ लाख २६ हजार ४९३ रुपैयाँ बराबरको १ करोड ३ लाख ९९ हजार ३२२ कित्ता सेयर कारोबार भएको छ ।

५५.५० अंक बढेसँगै सूचकले २,८३७.६१ अंक भेटेको छ ।

आज ‘क’ वर्गका ठूला कम्पनीहरुको सेन्सेटिभ इन्डेक्स समेत ९.४६ अंकले बढेर ५३०.४६ पुगेको छ ।

विकास बैंक समूहको परिसूचक सबैभन्दा बढी ६.५४ प्रतिशत बढेको छ ।

वाणिज्य समूहको ५.९६ र होटल तथा पर्यटन समूहको सेयरमा ५.४४ प्रतिशत वृद्धि देखिएको छ ।

बैंकिङ समूह परिसूचक भने ०.१६ प्रतिशत घटेको छ । बैंकिङबाहेक सबै परिसूचक बढ्दो क्रममा पुगेको छ ।