November 12, 2021
समाजवादी पार्टीको स्थायी कमिटी बैठक आज बस्दै
काठमाडौँ-नेकपा एकीकृत समाजवादी पार्टीको स्थायी कमिटी बैठक आज बस्ने तय भएको छ ।
आज दिउँसो २ बजे पार्टीको आठौं स्थायी कमिटीको बैठक बस्ने तय भएको एकीकृत समाजवादीका प्रवक्ता जगन्नाथ खतिवडाले जानकारी दिएका छन् ।
आज कात्तिक २७ र २८ गते बस्ने केन्द्रीय कमिटीको दोस्रो पूर्ण बैठकका प्रस्तावहरु अनुमोदन गर्ने उद्देश्यले स्थायी कमिटी बैठक बस्न लागेको उनले बताए ।
बैठकले एमालेसहितका विभिन्न कम्युनिष्ट पार्टी परित्याग गरी एकीकृत समाजवादीमा प्रवेश गरेका, प्रवेश गर्ने तयारीमा रहेकाहरुको जिम्मेवारी र भूमिकाबारे निश्चित मापदण्ड निर्धारण गर्ने प्रवक्ता खतिवडाले बताएका छन् ।
स्थायी कमिटीले निर्धारण गर्ने उक्त मापदण्ड केन्द्रीय कमिटी बैठकमा पेश गरिने उनले जानकारी दिएका छन् ।
उनका अनुसार बैठक काठमाडौँको नयाँ बानेश्वरस्थित अर्पण बैंक्वेटमा बस्ने तय भएको छ ।
समाजवादी पार्टीको स्थायी कमिटी बैठक आज बस्दै
प्रकाशित मिति:November 12, 2021
