November 12, 2021
राष्ट्रिय सभाको चुनावमा एमाले ‘क्लिन स्वीप’: माधवकुमार नेपाल
काठमाडौँ-नेकपा (एकीकृत समाजवादी) का अध्यक्ष माधवकुमार नेपालले राष्ट्रिय सभा तथा रिक्त रहेको पदको चुनावमा एमालेलाई ‘क्लिन स्वीप’ पार्ने बताएका छन् ।
बिहीबार विराटनगर विमानस्थलमा सञ्चार कर्मीसँग कुरा गर्दै अध्यक्ष नेपालले समय र परिस्थितिले नै ओलीलाई ठेगान लगाइसकेको समेत बताएका छन् ।
गठबन्धन दलहरूले साझा उम्मेदवार उठाएर एमालेलाई ‘क्लिन स्वीप’ पार्ने नेता नेपालले बताएका हुन् ।
साथै उनले उच्च स्तरीय राजनीति संयन्त्र काम गर्नका लागि बनाइएको बताएका छन् ।
न्यायलयको सन्द्रभमा सञ्चारकर्मीले राखेको प्रश्नमा नेता नेपालले प्रधानन्यायाधीश र न्यायाधीशको राजीनामा माग्नु ‘वाहियात’ कुरा भएको र रिस पोख्नु बाहेक केही नभएको प्रतिक्रिया दिए ।
एमाले अध्यक्ष केपी शर्मा ओलीले संसद पुनर्स्थापना निर्णय गर्ने पाँच जना न्यायाधीशको राजीनामा दिनु पर्छ भन्दै प्रतिपक्षी एमालेले विरोध गरिरहेको छ नि भन्ने सञ्चारकर्मीको प्रश्नमा उनले राम्रो नदेख्ने संस्कार भएकाले विरोध गर्ने गरेको प्रतिक्रिया दिएका छन् ।
उनले भने ‘गठबन्धन फुट्छ भन्ने हल्ला फिँजाइएको छ,’। ‘ उच्च स्तरीय राजनीति संयन्त्रले त्यसलाई पनि दरिलो बनाउँछ ।’
आफ्नो पाटीको लहर देखेर अरू शक्ति आत्तिएको समेत उनले बताएका छन् ।
विप्लव तथा वैद्यसँग बाम एकता गर्ने विषयमा छलफल भइरहेको तथ्य नेता नेपालले उजागर गरेका छन् ।
बिचार मिल्नेहरूसँग एकता गर्न सकिने उनको भनाइ रहेको थियो ।
राष्ट्रिय सभाको चुनावमा एमाले ‘क्लिन स्वीप’: माधवकुमार नेपाल
प्रकाशित मिति:November 12, 2021
