भाउजुको हत्या प्रयास गर्ने देवर पक्राउ

रौतहट । धारिलो हतियार प्रहार गरी भाउजुको हत्या प्रयास गर्ने एकजना पक्राउ परेका छन् । खुकुरी प्रहार गरी भाउजूको हत्या गर्न प्रयास गरेको आरोपमा देवर पक्राउ परेका हुन ।

जिल्लाको यमुनामाई गाँउपालिका वडानम्बर १ की पुनम सहनीलाई धारिलो खुकुरी प्रहार गरेको आरोपमा उनकै देवर राजुकुमार सहनीलाई प्रहरीले नियन्त्रणमा लिएको हो । प्रहरीका अनुसार कोठामा सुतीरहेकी पुनमलाई बिहान ४ बजे सहनीले खुकुरी हानेर हत्या गर्ने प्रयास गरेका थिए ।

सहनीले प्रहरी समक्ष घरायशी विवादका कारण भाउजूलाई टाउकोमा खुकुरी हानेको स्वीकारगरेका छन् । इलाका प्रहरी कार्यालय गरुडाका डीएसपी ज्ञानकुमार महतोका अनुसार सहनीका साथबाट घटनामा प्रयोग भएको रगत लागेको खुकुरी समेत बरामद भएको छ ।