December 3, 2021
नेपाली कांग्रेसको १४औँ महाधिवेशन ब्यानर सार्वजनिक
काठमाडौं-नेपाली कांग्रेस पार्टीले १४औँ महाधिवेशनको प्रचार ब्यानर सार्वजनिक गरेको छ ।
बिहीबार ६ वटा प्रदेशमा प्रदेश अधिवेशन उद्घाटनका क्रममा पार्टीको १४औँ महाधिवेशनको प्रचार ब्यानर सार्वजनिक गरेको हो ।
महाधिवेशनको प्रचार ब्यानर सार्वजनिकसँगै पार्टीको केन्द्रीय प्रचार प्रसार समितिले निर्धारण गरेको महाधिवेशनअघिको एकहप्ते प्रचार अभियान पनि प्रारम्भ भएको समितिले जनाएको छ ।
ब्यानरमा नेपालको नक्साभित्र दुई युवाले नेपालको झण्डा र कांग्रेसको झण्डा बोकेको, चुनाव चिह्न रुख तथा बिपी कोइरालालगायतका अग्रज नेतृत्वको तस्वीर अङ्कित छ ।
सो प्रचार ब्यानरको छोटो भिडियो भने दुई दिनपछि सार्वजनिक गरिने समितिले जनाएको छ। कांग्रेसको १४औँ महाधिवेशन यही मङ्सिर २४ देखि २६ गतेसम्म काठमाडौँमा हुँदैछ ।
नेपाली कांग्रेसको १४औँ महाधिवेशन ब्यानर सार्वजनिक
प्रकाशित मिति:December 3, 2021
