December 5, 2021
भारतीय सेनाले चलाए अन्धाधुन्ध गोली: कम्तीमा ११ जनाको मृत्यु
एजेन्सी-भारतीय सुरक्षाकर्मीको गोलीबाट कम्तीमा ११ नागरिकको मृत्यु भएको छ ।
भारतको नागाल्याण्ड राज्यको सीमा नजिकै उक्त घटना घटेको हो ।
नागाल्याण्डको मोन जिल्लास्थित तिरु र ओटिङ गाउँका ११ नागरिकको सुरक्षाकर्मीको गोली लागेर मृत्यु भएको हो ।
भारतीय सेनाले उक्त घटनामा एकजना सिपाहीको समेत मृत्यु भएको जनाएको छ ।
आफ्नो सिपाहीको समेत मृत्यु भएपछि सेनाले तत्काल छानबिनको आदेश दिएको छ ।
घटनालगत्तै अनुसन्धानका लागि नागाल्याण्डको राज्य सरकारले उच्चस्तरीय टोलि बनाएर घटनास्थलमा पठाइसकेको छ।
शनिबार साँझ म्यानमार सीमा नजिकै उक्त घटना भएको भारतीय सञ्चार माध्यमले उल्लेख गरेको छ ।
सुरक्षाकर्मीको गोली लागेर दुई नागरिक घाइते भएको बताइएको छ।
नागाल्याण्डका मुख्यमन्त्री नेइपिउ रियोले आइतबार दुर्भाग्यवश् भएको सो घटनाप्रति दु:ख व्यक्त गरेका छन् ।
रिपोर्टकाअनुसार आतंकवादी अपरेसन अन्र्तगत सुरक्षाकर्मी सो क्षेत्रमा खटिएका थिए ।
सोहि क्रममा अन्धाधुन्ध गोली चल्दा दुर्गाग्यवश ११ नागरिकको मृत्यु भएको बताइएको छ ।
सो घटनाबारे थप अनुसन्धान भइरहेको अधिकारीले भारतीय मिडियासँग बताएका छन् ।
भारतीय सेनाले चलाए अन्धाधुन्ध गोली: कम्तीमा ११ जनाको मृत्यु
प्रकाशित मिति:December 5, 2021
November 23, 2024
