December 6, 2021
नेपालमा पनि भित्रियो ओमिक्रोन भेरियन्टको भाइरस
काठमाडौँ-नेपालमा पनि ओमिक्रोन भेरियन्टको भाइरस पुष्टि भएको छ ।
स्वास्थ्य तथा जनसंख्या मन्त्रालयले आज पत्रकार सम्मेलन गर्दै ओेमिक्रोन भेरियन्टको भाइरस पुष्टि भएको जनाएको छ।
मन्त्रालयले पत्रकार सम्मेलनमा दुई २ जनामा नयाँ भेरियन्ट ओमिक्रोन भेटिएको जानकारी दिएको हो ।
मन्त्रालयका अनुसार ३ मंसिरमा नयाँ भेरियन्ट भेटिएको देश हुँदै ६६ वर्षीय विदेशी नागरिक नेपाल आएका थिए उनको पीसीआर नेगेटिभ रिपोर्ट थियो भने खोपको दुबै मात्र पूरा गरेका थिए ।
तर उनी र उनको सम्पर्कमा आएका एक व्यक्तिलाई ७ मंसिरमा कोभिड–१९ संँग मिल्दाजुल्दा लक्षण देखियो । परीक्षण गर्दा दुबैमा कोरोना संक्रमण पुष्टि भयो ।
दुबैको नमुनाको जिन सिक्वेन्सिङ गर्दा १९ मंसिरमा नयाँ भेरियन्ट ओमिक्रोन भएको पुष्टि भएको स्वास्थ्य मन्त्रालयले जनाएको छ ।
अफ्रिकामा उद्बिकास भएको यस भेरियन्टको कोरोना भाईरस निकै सङ्क्रामक रहेको बताईएको छ ।
पछिल्लो समय अमेरिका बेलायत लगायतका पश्चिमा मुलुकमा यो भाईरस निकै तिब्र गतिमा फैलिरहेको छ ।
भारतमा पनि तिब्र गतिमा फैलिएको यस भेरियन्टलाई बिश्व स्वास्थ्य संगठनले भेरियन्ट अफ कन्सर्नको सुचिमा राखेको छ ।
नेपालमा पनि भित्रियो ओमिक्रोन भेरियन्टको भाइरस
प्रकाशित मिति:December 6, 2021
November 24, 2024
