December 28, 2021
प्रावि तहका १३ हजार ९३ शिक्षकको विज्ञापन खुल्दै
काठमाडौँ-देसभरका प्राथमिक विद्यालय तहकालागी शिक्षक सेवा आयोगले १३ हजार ९३ स्थायी शिक्षकको विज्ञापन प्रकाशन गर्ने अन्तिम तयारी गरेको छ ।
हालै माध्यमिक तहका लागि १५ सय ४७ र निमावि तहका लागि २५ सय ९८ शिक्षक माग गरेको आयोगले प्राथमिक तहका लागि पनि ठूलो संख्यामा शिक्षक माग्न लागेको हो ।
आयोगका उप सचिव एवं सूचना अधिकारी सुरेश मरहठ्ठाका अनुसार आयोग प्राथमिक तहका लागि आवश्यक शिक्षकको विज्ञापन प्रकाशन गर्न शिक्षा तथा मानव स्रोत विकास केन्द्रको अनुमति पर्खेर बसेको छ ।
शिक्षा तथा मानव स्रोत विकास केन्द्रको अनुमति प्राप्तहुना साथ एक दुईदिन भित्रै प्रावि शिक्षकको विज्ञापन प्रकाशन हुने आयोगले बताएको छ ।
विद्यालयमा हाल रिक्त रहेको स्थान र आगामी चैत मसान्तसम्म विद्यालयमा रिक्त हुने स्थानमा खुला प्रतियोगिताबाट पदपूर्ति हुनेगरी प्रावि स्थायी शिक्षकका लागि विज्ञापन खुल्न लागेको हो ।
प्रावि तहका १३ हजार ९३ शिक्षकको विज्ञापन खुल्दै
प्रकाशित मिति:December 28, 2021
November 23, 2024
