February 8, 2022
विशिष्ट श्रेणी सचिवका लागि तीन जना सहसचिव सिफारिसमा
काठमाडौँ-बढुवा सिफारिस समितिको बैठकले एक सचिव (विशिष्ट श्रेणी) पदका लागि तीन जना सहसचिवको नाम सिफारिस गरेको छ ।
माघ १८ गते शिशिर कुमार ढुगांनाको अवकास भएसँगै रिक्त रहेको सचिव (विशिष्ट श्रेणी) पदका लागि तीन जना सहसचिवको नाम सिफारिस गरिएको हो ।
लोक सेवा आयोगका अध्यक्ष माधव प्रसाद रेग्मीको अध्यक्षतामा बसेको बढुवा सिफारिस समितिको बैठकले मुकुन्द प्रसाद निरौला, विनोद प्रकाश सिंह र गोपीकृष्ण खनाल सहित ३ जनाको नाम सिफारिस गरेको हो ।
बढुवा सिफारिस समितिले वरिष्ठताको आधारमा तीन जनाको नाम सिफारिस गरिएको जनाएको छ ।
वरिष्ठताको आधारमा बढुवा भएको खण्डमा पहिलो नम्बरमा सिफारिस भएका निरौला सचिवमा बढुवा हुनेछन् ।
विशिष्ट श्रेणी सचिवका लागि तीन जना सहसचिव सिफारिसमा
प्रकाशित मिति:February 8, 2022
