February 17, 2022
स्थानीय निर्वाचनका लागि दल दर्ता सुरु
काठमाडौँ-स्थानीय तहको निर्वाचनको लागि निर्वाचन आयोगले दल दर्ता सुरु गरेकाे छ ।
आयोगले आगामी वैशाख ३० गते हुने स्थानीय तहको निर्वाचनको लागि दल दर्ता आह्वान गरेको हो ।
वैशाख ३० मा हुने निर्वाचनको लागि माघ २८ गते नै कार्यपालिका स्वीकृत गरेको आयोगका प्रवक्ता शालिग्राम शर्मा पौडेलले जानकारी दिए ।
फागुन ५ देखि फागुन १५ गतेसम्म कार्यालय समयभित्र आयोगको कार्यालयमा दल दर्ताका लागि निवेदन दिन सकिने उनले बताए ।
सरकारले वैशाख ३० गते एकै चरणमा स्थानीय निकायको निर्वाचन गर्ने घोषणा गरेको थियो ।
स्थानीय तहको मितिविरुद्ध सर्वोच्चमा रिट परेको थियो र उक्त मुद्दा दरपिठ भएको थियो ।
तर सर्वोच्चले निर्वाचन मितिविरुद्ध परेको रिट दर्ता गर्न बुधवार आदेश दिएको छ ।
स्थानीय निर्वाचनका लागि दल दर्ता सुरु
प्रकाशित मिति:February 17, 2022
November 24, 2024
