February 28, 2022
काठमाडौ-पूर्वमन्त्री रामकुमार श्रेष्ठविरुद्ध भ्रष्टाचार गरेको अभियोगमा मुद्दा दर्ता भएको छ ।
अख्तियार दुरुपयोग अनुसन्धान आयोगले करिब साढे चार करोड रुपैयाँ भ्रष्टाचार गरेको अभियोगमा श्रेष्ठविरुद्ध मुद्दा दर्ता गराएको हो ।
आयोगले विशेष अदालतमा गैरकानूनी रुपमा सम्पत्ति आर्जन गरेको अभियोगमा मुद्दा दर्ता गराएको हो ।
आयोगका प्रवक्ता श्याम प्रसाद भण्डारीका अनुसार मन्त्री पदमा बहाल रहँदा चार करोड ४५ लाख २७ हजार ६ सय ६६ रुपैयाँ ९८ पैसा बराबर रकम पदीय हैसियतको दुरुपयोग गरी गैरकानूनी रूपमा आर्जन गरेको प्रमाणसहित अभियोगपत्र दर्ता गरिएको छ ।
श्रेष्ठ २०६९ चैत ६ गतेदेखि २०७० साल माघ २९ गतेसम्म मन्त्री पदमा रहेका थिए ।
प्रकाशित मिति:February 28, 2022
November 23, 2024
