March 7, 2022
फुट रोक्न प्रचण्डको चलाखी: फरक मतबारे जेठ २० गते छलफल गर्ने
काठमाडौँ-चुनाव अघि निम्तिन सक्ने फुट र विभाजन रोक्न प्रचण्डले आगामी जेठ २० गते अर्को केन्द्रीय समितिको बैठकमा छलफल गर्ने बताएका छन् ।
नेकपा माओवादी केन्द्रका अध्यक्ष प्रचण्डले जेठ २० गते अर्को केन्द्रीय समितिको बैठकमा पार्टीभित्रका फरक मतलगायतका विविध विषयमा छलफल हुने बताएका हुन् ।
पार्टीका शीर्ष नेताहरुबीचको बैठक बसेर अहिले विस्तृतमा छलफलका लागि समय अभाव भएकाले सबै विषयमा आगामी जेठ २० गतेको बैठकमा छलफल गर्ने निष्कर्ष निकालिएको बताए ।
केन्द्रीय समितिको बैठकमा प्रचण्डले नेताहरु कृष्णबहादुर महरा, देव गुरुङ र लीलामणि पोखरेलले राखेको एमसीसीको सम्बन्धमा नोट अफ डिसेन्ट प्रस्तुत गरेका थिए ।
यस्तै नेता नारायणकाजी श्रेष्ठ लगायतको फरक मतसहित सबै विषय पार्टी कार्यालयमा दर्ज भएको र सबै विषय पार्टीको सम्पत्तिको रुपमा ग्रहण गरेर अर्को बैठकमा छलफल हुने बताएका हुन् ।
अहिले पार्टी चुनावमा होमिनुपर्ने अवस्था रहेको तथा जेठ १५ गते बजेट आउने भएकाले त्यसपछि बैठक बस्नेगरी २० गतेका लागि केन्द्रीय कमिटी बैठक तय गरिएको प्रचण्डको भनाइ छ ।
फुट रोक्न प्रचण्डको चलाखी: फरक मतबारे जेठ २० गते छलफल गर्ने
प्रकाशित मिति:March 7, 2022
