April 3, 2020
काठमाडौँ । अष्ट्रेलियाका प्रधानमन्त्रील स्कट मेरिसनले अन्तर्राष्ट्रिय विद्यार्थीलाई घर फर्किन सुझाव दिएका छन् ।
कोरोना संक्रमण सम्बन्धमा जानकारी गराउन आयोजना गरिएको नियमित पत्रकार सम्मेलनमा उनले यस्तो बताएका छन् ।
प्रधानमन्त्री मोरिसनले भाइरस संक्रमणको चपेटोमा परि आर्थिक असहजता उत्पन्न भएका विद्याथीहरु हाफ्नो देशमा जाँदा राम्रो हुने बताए ।
मोरिसनले पढ्न आएको पहिलो एक वर्ष भित्रमा कुनै पनि विद्यार्थीेले आर्थिक रुपमा असहज भयो भन्न उचिल नरहेको बताए ।
विद्यार्थी भिसाको लागि आवेदन दिँदा उनीहरुले पहिलो वर्ष भरिको बसाइमा आर्थिक रुपमा आफूलाई सक्षम रहेको देखाउनुपर्ने नियम गरहेको समेत उनले सम्झाएका थिए । उनले भने ‘अन्तर्राष्ट्रिय विद्यार्थहरु जो अष्ट्रेलिया आएका छन् उनीहरुले यहाँ बसाइको पहिलो १२ महिनासम्म आफूलाई आर्थिक रुपमा सहायता गर्न सक्ने देखाउनुपर्छ । त्यो उनीहरुको भिसामा आवश्यक हुन्छ । त्यसैले त्यो सरकारको तर्फबाट गरिएको अनुचित अपेक्षा होइन ।’
उनले अस्थायी भिसा भएकाहरुको जिम्मेवारी सरकारले लिन नसक्ने समेत बताएका छन् ।
प्रकाशित मिति:April 3, 2020
November 23, 2024
