March 30, 2022
नेपालका लागि अमेरिकी राजदूतमा डिन थम्पसन
काठमाडौँ-नेपालका लागि अमेरिकी राजदूतमा डिन थम्पसन नियुक्त भएका छन् ।
नेपालका लागि अमेरिकी राष्ट्रपति जो बाइडनले थप्सनलाई राजदूत नियुक्त गरेको ह्वाइट हाउसले जनाएको छ ।
थप्सनले अमेरिकी राजदूत र्याण्डी बेरीको स्थानमा कार्य सम्पादन गर्नेछन् ।
हाल उनी अमेरिकाका लागि दक्षिण र मध्य एसियाली मामिला ब्युरोका उपसहायक सचिव हुन् ।
थम्पसनसँग अमेरिकी कूटनीतिमा २५ वर्षभन्दा बढी समयसम्म काम गरेको अनुभव छ ।
उनले मलेसियाको क्वालम्पुरस्थित अमेरिकी दूतावासमा डेपुटी चिफ अफ मिसनको रूपमा काम गरेका थिए ।
उनीसँग रोमानियाको बुखारेष्टस्थित अमेरिकी दूतावास, भारतको कोलताकामा अमेरिकी कन्सुलर जनरल र श्रीलङ्काको कोलम्बोस्थित अमेरिकी दूतावासको आर्थिक तथा वाणिज्य मामिला विभाग प्रमुखको रूपमा काम गरेको अनुभव छ ।
प्रकाशित मिति:March 30, 2022
