शशांक कोइरालासँग निर्वाचन आयोगले माग्यो जवाफ

काठमाडौं-नेपाली कांग्रेसका पूर्वमहामन्त्री डा. शशांक कोइरालासँग निर्वाचन आयोगले जवाफ मागेको छ ।

चुनाव खर्चबारे कोइरालाले दिएको अभिव्यक्तिलाई लिएर आयोगले जवाफ मागेको हो ।

कोइरालाले हालसालै २०७४ को प्रतिनिधिसभा चुनावमा ६ करोडभन्दा बढी खर्च भएको अभिव्यक्ति दिएका थिए ।

आयोगमा पेश गरेको विवरणमा भने २१ लाख ७५ हजार मात्र उल्लेख रहेको भन्दै आयोगले के कसो भएको हो ७ दिनभित्र जानकारी दिन कोइरालालाई ध्यानाकर्षण गराइएको आयोगले जनाएको छ ।

यस्तै २६ चैतमा काठमाडौंको भृकुटीमण्डपमा भएको सभामा निर्वाचन आचार संहिता उल्लंघन भएको भनेर उजुरी आएको भन्दै आयोगले केकसो भएको हो तीन दिनभित्र आधार प्रमाणसहित चित्तबुझ्दो जवाफ दिन एकीकृत समाजवादी पार्टीलाई भनेको छ ।