सप्तरीमा खुकुरी-बन्दुक देखाएर गरगहना लुटपाट

काठमाडौं – सप्तरीको राजविराजमा बन्दुक देखाएर बिहीबार राति सुनको गरगहना लुटपाट भएको छ ।

राजविराजको सुरुङ्गा नगरपालिका वडा -७ स्थित मिथिलेश मिश्रको घरमा राति २:३० बजे ६ जनाको समूहमा आएको नकावधारी समूहले ६ लाख बराबरको गरगहना लुटेर लगेका छन् ।

लुटेको घरमा मिश्रको छोरा बुहारी र बच्चा सुतिरहेको अवस्थामा डाकाहरुले खुकुरी, बन्दुक देखाएर सुन चाँदीको गरगहना लुटेर लगेको इलाका प्रहरी कार्यालय कडरवोनाका प्रहरी निरीक्षक बालिष्टर सिंहले जानकारी दिए ।

‘मास्क तथा कपडाले मुख छोपी खुकुरी र बन्दुक जस्तै देखिने हतियार देखाएर ६र७ जनाको नकावधारी समूहले सुन चाँदीका गहना लुटेर लगेको सिंहले बताए ।

पीडित परिवारजनले भने करिब ५० लाख रुपैयाँ बराबरको नगद र गरगहना लुटेर लगेको दाबी गरेका छन् । डकैतीबारे प्रहरीले अनुसन्धान गरी रहेको इलाका प्रहरी कार्यालय कडरवोनाले जनाएको छ ।