रगत अभाव भएको ठाउँमा उपलब्ध गराउने

काठमाण्डौ‌ । सामाजिक सेवा भाबका साथ स्थापित रामेछाप – सिन्धुली एकता समाजको विशेष पहलमा पर्सि शनिबार रक्तदान कार्यक्रम हुने भएको छ । ललितपुरको महालक्ष्मी नगरपालिका वाड नम्बर ३ को बोजेपोखरीमा हुने कार्यक्रममा उपमेयर लक्ष्मी महर्जन ज्यूको प्रमुख आतिथ्यमा हुने कार्यक्रम आगामी शनिवार मिति २०७९/०२/२८ गते हुने रामेछाप -सिन्धुली एकता समाजका अध्यक्ष नवराज श्रेष्ठले सम्पत्ति न्युजलाई बताउनु भयो ।

बिश्व रक्तदाता दिवसको अवसरमा ललितपुरको रामेछाप -सिन्धुली एकता समाज र महालक्ष्मी एकता समाज बोजेपोखरी समाजद्धारा बिश्व रक्तदाता दिवसको शुभ अवसरमा बृहत रक्तदान कार्यक्रम गर्न लागिएको अध्यक्ष श्रेष्ठले बताउनुभयो । महालक्ष्मी नगरपालीका वडा नं ३ बोजेपोखरीमा गर्ने कार्यक्रममा सयौं ब्यक्तिहरुले सहभागी जनाउनु हुने सो कार्यक्रममा सहभागिता जनाउनु हुन सबैलाई सामुहिक निमन्त्रणा समेत अध्यक्ष श्रेष्ठले गर्नुभएको छ ।

सो संकलित रगत रामेछाप – सिन्धुली वासीलाई उपलब्ध त हुन्छ नै तर जहाँ रगतको अभाव हुन्छ त्यहाँ यहाँ हामीले संकलन गरेको रगत पुर्याउने ब्यबस्था हुन्छ अध्यक्ष श्रेष्ठले सम्पत्ति न्युजलाई थप जानकारी दिनुभएको छ ।