April 22, 2020
काठमाडौँ | मध्येरातमा समाजवादी पार्टी र राष्ट्रिय जनतापार्टी बीच एकता भएको छ ।
लाेकतन्त्रकाे मूल्य मान्यतालाई अझ सशक्त बनाउन र नेपालकाे राजनीतिमा नयाँ उमङ्ग ल्याउन एक वैकल्पिक राजनैतिक शक्ति अावस्यक रहेकाे बताउँदै अाउने राजपा र समाजवादका नेताहरुले अाज यहि उद्देश्य अनुरुप अाफुहरुमा एकता भएकाे जनाएका छन् ।
एकीकृत नयाँ पार्टीको नाम जनता समाजवादी पार्टी, नेपाल राख्ने सहमति भएको छ । एकतापछि पार्टीको झण्डा समाजवादीको र चुनाव चिन्ह राजपाको हुने भएको छ । सरकारले दल विभाजनसम्बन्धी अध्यादेश ल्याएसँगै दुई दलले आ–आफ्नो पार्टीलाई सम्भावित विभाजनबाट जोगाउन पार्टी एकीकरण गरेका हुन् ।
सहमति पत्रमा राजपाका तर्फबाट अध्यक्ष मण्डलका सदस्य महन्थ ठाकुर, राजेन्द्र महतो, महेन्द्र राय यादव र शरतसिंह भण्डारीले हस्ताक्षर गरेका छन् भने समाजवादी पार्टीको तर्फबाट डा. बाबुराम भट्टराई, उपेन्द्र यादव, अशोक राई र राजेन्द्र श्रेष्ठले हस्ताक्षर गरेका छन् ।
राजपा अध्यक्ष मण्डलका संयोजक शरदसिंह भण्डारीको निवासमा दुवै पार्टीका शीर्ष नेताहरुबीच एकता वार्ता भएको थियो ।
प्रकाशित मिति:April 22, 2020
