लकडाउन सम्बन्धमा निर्णय गर्न अर्काे बैठक बस्नेः आज निर्णय भएन

काठमाडौं । शुक्रबार बसेको मन्त्रपरिषदको बैठकले लकडाउन बारे केही निर्णय गरेको छैन ।

कोरोना महामारी नियन्त्रणका लागि सरकारले घोषणा गरेको लकडाउनको म्याद सोमबार (वैशाख १५ गते) सकिँदैछ । शुक्रबारको मन्त्रिपरिषद बैठकले यसबारे निर्णय गर्ने अपेक्षा रहेपनि आगामी बैठकबाट निर्णय गर्ने सहमतिसहित शुक्रबारको बैठक सकिएको छ ।
भोली या पर्सि अर्काे बैठक बसेर लकडाउनबारे निर्णय गर्ने स्रोतले जनाएको छ ।
कोरोनाको जोखिम अझ बढ्दै गएकाले सरकार यसमा गम्भीर भएको ती मन्त्रीले बताए ।

सरकारले गत चैत ११ देखि लकडाउनलाई निरन्तरता दिँदै आइरहेको छ । यसले गर्दा आम जनतामा रोग भन्दा पनि भोकको समस्या निम्तिन सक्ने कुरा चलिरहेको हुँदा निरन्तर लकडाउन मात्रै गर्ने कि यसको विकल्प पनि खोज्ने भन्नेबारे बहस हुँदै आइरहेको स्रोतले सहित जनाएको छ ।

लकडाउनलाई कुनै निश्चित ठाउँमा कडा पारेर कम जोखिम देखिएको काठमाडौं लगायतको ठाउँमा खुकुलो पारिनुपर्ने माग समेत आइरहेको छ ।