गठबन्धनले नागरिकता विधेयक जस्ताको तस्तै अघि बढाउने निर्णय

काठमाडौं । आज (मंगलबार) बसेको सत्तारुढ गठबन्धनको बैठकले राष्ट्रपतिले सन्देशसहित नागरिकता विधेयक फिर्ता जस्ताको तस्तै अघि बढाउँने निर्णय गरेको छ । बैठकले दुबै संसदले पास भएको विधेयकलाई जस्ताको तस्तै अघि बढाउने निर्णय गरेको बैठकमा सहभागी एक नेताले बताए ।
राष्ट्रपति विद्यादेवी भण्डारीले १५ दिन शीतल निवासमा रोकेर राखेको नागरिकता विधेयक आइतबार संसदमै फिर्ता गरिदिएकी थिईन्।
प्रतिनिधि सभाबाट ८ साउनमा र १२ साउनमा राष्ट्र सभाबाट पारित नागरिकता विधेयकलाई १५ साउनमा सभामुख अग्निप्रसाद सापकोटाले प्रमाणित गरेर प्रमाणीकरणका लागि राष्ट्रपति कार्यालय पठाएका थिए।